கொரோனா தொற்று பிரச்னையால், அனைத்து வகை பணிகளும், 'ஆன்லைன்' முறைக்கு மாற்றப்பட்டு வருகின்றன. பள்ளி, கல்லுாரிகளில் நேரடி வகுப்புகள் ரத்து செய்யப்பட்டு, 'ஆன்லைனில்' வகுப்புகள் நடத்தப்படுகின்றன.அதேபோல, கலை, அறிவியல் கல்லுாரிகள், பி.இ., - பி.டெக்., கல்லுாரிகள் போன்றவற்றில், முதலாம் ஆண்டு மாணவர் சேர்க்கை, ஆன்லைன் முறைக்கு மாற்றப்பட்டு உள்ளது.
இதை தொடர்ந்து, முதுநிலை இன்ஜினியரிங் படிப்புக்கான மாணவர் சேர்க்கையும், ஆன்லைன் முறையில் நடத்தப்பட உள்ளது. இதற்கான அனுமதியை, அண்ணா பல்கலைக்கு, உயர் கல்வித்துறை வழங்கியுள்ளது.
