Blogger Tips and TricksLatest Tips And TricksBlogger Tricks

moving

Blogger Tips and TricksLatest Tips And TricksBlogger Tricks

Wednesday, July 10, 2019

இன்ஜி., விருப்ப பதிவு இன்று கடைசி நாள்

சென்னை: இன்ஜினியரிங் கவுன்சிலிங்கில், முதல் சுற்றுக்கான விருப்ப பாடப்பதிவு, இன்று முடிகிறது.


இன்ஜினியரிங், 'ஆன்லைன்' கவுன்சிலிங்கில், 177.5 முதல், 200 வரை, 'கட் ஆப்' மதிப்பெண் பெற்ற, 9,872 பேர், முதல் சுற்று கவுன்சிலிங்குக்கு தேர்வு செய்யப்பட்டுள்ளனர். அவர்களுக்கான விருப்ப பாடப்பதிவு, 8ம் தேதி துவங்கியது. இரண்டாம் நாளான, நேற்று வரை, 7,506 பேர், கவுன்சிலிங் கட்டணம் செலுத்தியுள்ளனர்; அவர்களில், 6,919 பேர், விருப்ப பாடங்களை பதிவு செய்துள்ளனர்.

இந்த மாணவர்கள் அனைவரின் சார்பிலும், இதுவரை, ஒரு லட்சத்து, 66 ஆயிரத்து, 815 விருப்ப பதிவுகள் செய்யப்பட்டு உள்ளன. ஒரு மாணவர், 403 விருப்பங்களை வரிசைப்படுத்தி உள்ளார். இன்று மாலை, 5:00 மணியுடன், விருப்ப பதிவு முடிகிறது.

இதற்கிடையில், இரண்டாம் சுற்று மாணவர்களுக்கான, கவுன்சிலிங் கட்டணம் செலுத்தும் வசதி, நேற்று முன்தினம் துவங்கியது. நேற்று மாலை வரை, 8,934 பேர் கட்டணம் செலுத்தியுள்ளதாக, கவுன்சிலிங் கமிட்டி அதிகாரிகள் தெரிவித்தனர்.

No comments:

Post a Comment